ROXAS CITY – Arestado ang isa ka anak matapos nga ginkastigo ang kaugalingon sini nga amay sa Barangay Dayao, Roxas City.
Ginkilala ang naaresto nga si Julius Fiolog Jr. samtang ang ginkastigo sini nga amay amo si Julius Fiolog Sr.
Suno kay Gwendolyn Anonat, kalapit-balay sang mag-amay, nagsulod sa ila balay ang suspek kag may ginapangita.
Ginsaway ini sang iya amay kag ginpapauli apang pag-abot sa ila balay, ginkastigo sang suspek ang biktima nga nagsinggitan sang bulig sa ila mga kasilingan.
Gindugang pa ni Anonat nga masami nagapang-akig ang suspek ilabi na kun ginatulok ini kag nagapangsulong ini sa ila.
Suno naman kay Barangay Kagawad Wenny Batuampo, masami nga ginareklamo sa barangay ang suspek.
Suno diri nga nagapangsulong ini sa tagsa ka may maingtan siya nga ila mga kasilingan ilabi na kun nagatulok sa iya.
