ROXAS CITY– Dead on arrival sang mag-abot sa ospital ang anay Board Member kag karon sports Consultant sang Capiz provincial government matapos gin-alegar nga gin-atake sa korason sa sulod sang Kangaroo Inn sa Barangay Cagay, Roxas City.
Suno sa cashier nfa si Jessie Cua, nagaisahanon lamang sang nagcheck-in si anay BM Jose “Peping” Diaz, 67-anyos sa nasambit nga lodging house.
Pagkadugay dugay nag-abot ang isa ka babaye nga ginabulubanta naga-edad sang 26-anyos kag nagsulod sa kuwarto nga ginrentahan sang anay opisyal.
Apang pagkaligad sang pila ka minuto nagsinggitan nga nagapangayo sang bulig ang kaupod nga babaye bangud gin-alegar nga gin-atake sa tagipusoon ang biktima.
Nahibaluan nga may nakita pa nga mga bulong ang roomboy sang lodging house nga ginapatihan ginapanag-iyahan sang biktima.
Sa karon ginapangita na sang mga otoridad ang nasambit nga babaye bangud hinali lamang ini nga nadula kasunod ang insedente
