ROXAS CITY – Arestado ang 49-anyos nga babayi matapos nga ginserbihan sang warrant of arrest sa gintingub nga puwersa sang mga katapo sang Panit-an MPS kag Provincial Highway Patrol Team (PHPT), sa Barangay Tabuc Norte, Panit-an, Capiz.
Ginkilala ang akusado kay Jocelyn Vasquez, anay OFW, kag residente sang nasambit nga banwa.
Kaso nga ESTAFA ang ginapangatubang sang nasambit nga akusado, kun sa diin ginpirmahan kag ginpapanaog ni Hon. Raul Fantilagan Facon, presiding judge sang RTC 6th Judicial Region, Branch 4, Iloilo City, napetsahan Mayo 25, sini nga tuig.
Ginrekomendar sang korte ang P30,000 nga kantidad para sa temporaryo nga kahilwayan ni Vasquez.
Sa karon, nagapabilin ini sa kustodiya sang Panit-an MPS para sa nagakaigo nga disposisyon.
