Anay priso, dakop sa drug buybust operation sa Barangay Baybay

ROXAS CITY – Arestado ang isa ka anay priso sa drug buybust operation nga ginpatigayon sang Provincial Drug Enforcement Unit sang Capiz Police Provincial Office sa Martelino Subdivision, Barangay Baybay, Roxas City.

Ginkilala ang nadakpan nga si Jaron Buenvinida, 40 anyos, sang Philippine Railway Street, Barangay 9, Roxas City.

Nakuha sa posesyon sang drug suspek ang 7 ka sachets sang shabu, P1, 500 nga buybust money, P200 nga kwarta, cellphone kag isa ka pouch.

Sa karon, nakaaresto na ang drug suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.