Naglab-ot na sa 13 ang kaso sang Andes hantavirus nga may kaangtanan sa cruise ship outbreak, kag tatlo na diri ang napatay. Sa amo nga numero, 11 ang laboratory confirmed samtang duha ang probable cases.
Ini na ang ika-apat nga report sang outbreak matapos ginpahibalo sang World Health Organization ukon WHO sang Mayo 2 ang severe respiratory illness sa M/V Hondius.
Tatlo naman ka bag-o nga kumpirmado nga kaso ang nareport gikan sa Canada, Netherlands kag Spain, Samtang ang isa ka kaso halin sa Estados Unidos nga una ginabantayan, nagnegatibo sa test.
Suno sa WHO, tanan nga kaso ang mga pasahero ukon crew sang barko, Posible pa nga may madugang nga kaso bangud ang sintomas sang virus mahimo maggwa tubtob anum ka semana pagkatapos exposure.
Padayon naman ang koordinasyon sang mga otoridad sa pagsubay sang mga kontak sang mga nagpositibo.
