Nagbaton sang tig-₱12,000 nga cash incentive ang anum ka outstanding Advance ROTC cadets bilang pagkilala sa ila dedikasyon sa pagtuon kag sang ila leadership skills.
Sa interview sang Bombo Radyo kay Captain Eduard Canoy (FS) PA, Team Leader sang Philippine Army Advance ROTC Cadet Qualifying Examination (PAARCQE), iya ginpahayag nga nagalibot sila sa nagkalain-lain nga lugar sa pungsod agud magpatigayon sang eksaminasyon para sa mga ROTC cadets nga luyag mag-advance sa programa.
Suno kay Canoy, ang pagpasar sa nasambit nga eksaminasyon isa sa mga kinahanglanon agud mangin kwalipikado sa pagbaton sang cash incentive, nga makabulig man sa ila nga pagtoon.
Gina-enganyo man sini ang mga kabataan nga magpadayon sang ila mga handom kag indi pagtugutan nga mangin upang ang kapigaduhon sa pagkab-ot sang ila mga handom.
Ang cash incentives ginpresentar sa seremonya nga ginpatigayon ssa idalom sang 5th Regional Community Defense Group kag 8th Regional Community Defense Group.
