COLOMBIA – Safe ang mga Filipino sa Colombia matapos ang magnitude 7.4 nga linog nga nagtay-og sa pila ka mga lugar sang pungsod.
Sa interview sang Bombo Radyo kay Philippine Consul Judy Razon, iya ginpahayag nga apisar mabaskog ang pagtay-og, wala sang na-report nga seryoso nga insidente nga ginakaulamiran sang mga Filipino.
Apang suno kay Razon, may yara sang isa ka pamilya nga Filipino sa Manizales nga gin-evacuate matapos makaangkon sang damage sa ila nga apartment building.
Gindeklara nga danger zone ang building bangud sa halit tuga sang linog, rason nga temporaryo anay sila nga ginbutang sa safe nga lugar samtang gina-usisa ang ila sitwasyon
Sandig sa record sang embahada, may yara sang 74 Filipinos sa Bogotá, 21 sa Medellín, tatlo sa Manizales, duha sa Barranquilla, kag tatlo sa Pereira.
