ROXAS CITY-Pilason ang apat ka mga persona matapos nga nagbungguanay ang duha ka mga motorsiklo sa Barangay Jolongajog Pontevedra Capiz.
Ginkilala ang mga biktima nga sanday Brandon Bismanos 23-anyos, Analyn Bismanos 21-anyos kag 17-anyos nga grade 12 student lunsay mga residente sang Barangay Rizal sang nasambit nga banwa.
Sandig sa inisyal nga imbestigasyon sang Pontevedra Municipal Police Station nagaguha nga samtang ginasubay sang mga biktima ang dalan sakay sa motorsiklo sang aksidente ini sila nga ginbungguan sang motorsiklo nga ginamaneho ni Christian John Villareal residente sang Barangay San Pedro sang nasambit nga banwa.
Bangud sini lunsay nagkalatumba sa dalan ang duha ka mga motorsiklo kun sa diin napilasan ang nasambit nga mga persona.
Ginaalegar nga yara sa impluwensiya sang makahulubog nga ilimnon si Villareal.
Sa karon padayon nga ginabulong sa nagkalain-lain nga ospital ang mga imbolbado.
