-- ADVERTISEMENT --
ROXAS CITY – Yara na karon sa kustodiya sang Firearm Explosive Security Agencies and Guard Section sang Dao Municipal Police Station ang isa ka armas-luthang nga ginsungka sang wala na ginhingadlan nga persona sa nasambit nga banwa.
Nahibaluan nga personal nga gindala sang amo nga persona sa talatapan sang pulisya ang iya ginahuptan nga isa ka unit sang homemade 38 calibre nga armas luthang kag wala sang bala.
Kasunod ini sang masangkaron nga kampanya sa hanay sang pulisya kontra sa ginadumilian nga armas-luthang.
