Armas-luthang, ginsungka sa mga kapulisan sa banwa sang Sigma

Boluntaryo nga ginsungka sang isa ka indibidwal sa mga katapo sang kapulisan sang Sigma Municipal Police Station ang isa ka armas-luthang.

Ginsungka sang wala na ginhingadlan nga indibidwal ang residente sang Brgy. Parian, sa banwa sang Sigma ang isa ka unit sang homemade revolver caliber .38 nga wala na sang bala.

Nahibaluan nga ini ang kabahin sang mas ginpasangkad nga kampanya sang kapulisan ang Tokhang Kontra Armas Luthang ukon TKAL.

Sa karon, yara na sa paghinakop sang Sigma MPS ang nasambit nga armas-luthang kag natalana nga i-turnover sa FESAGS PNCO para sa nagakaigo nga disposisyon.