Nagnubo ang average farmgate price sang palay sang 31.8% year on year sadtong Hunyo sa average nga P16.99 kada kilo, suno sa Philippine Statistics Authority (PSA).
Month on month, ang average palay farmgate price ang nagnubo sang 4.3% kun ikumpara sadtong Mayo.
Ang pagnubo sadtong Hunyo ang mas daku sa 28.9% year-on-year retreat nga na-record sadtong Mayo.
Sadtong June 2024, ang farmgate price ang may average nga P24.93 kada kilo. Wala sa 15 rice-producing regions ang nagpagkit sang year-on-year growth sa average farmgate prices sadtong Hunyo.
Ang pinakamataas nga presyo sang palay ang na-record sa Bangsamoro region sa P19.96, nga mas manubo sa una nga bulan nga P20.32 kag sa P26.66 sadtong nakligad nga tuig.
Na-record naman ang pinakamanubo nga presyo sang palay sa Calabarzon sa P12.52, kun sa diin ang farmgate price sa rehiyon ang nagnubo sa 44.5% year on year kag 10.7% month on month.
Sa Central Luzon, ang average farmgate price ang P14.51, nagnubo halin P25.17 sadtong nakaligad nga tuig kag P17.90 sa una nga bulan.
Sadtong Mayo, ginpahayag sang Department of Agriculture nga ginatun-an sini ang pagpatuman sang floor price para sa palay, makaligad nga gintumod ang 32 nga lugar sa Luzon kun sa diin ang mga trader ang nagbakal sang palay sa P13-P15 kada kilo.
