-- ADVERTISEMENT --
ROXAS CITY – Padayon ang imbestigasyon sang Cuartero Municipal Police Station agud matumod ang yara sa likod sang pagpalupok sang armas nga gintunaan sang pagkapilas sang isa ka ginang sa Sitio Cayusan, Barangay Sinabsaban, Cuartero, Capiz.
Ginabulong sa ospital ang biktima nga si Edna Carillo matapos maigo sang ginapatihan stray bullet.
Ginpahayag ni Police Lt. Acquilles Fangco, hepe sang Cuartero PNP, nagaguwa sa ila imbestigasyon nga nagapauli na ang biktima nga gikan sa bilasyunan sang nakabati ini sang lupok.
Pagkaligad sang pila ka segundo nakabatyag ini sang pagpalamuypoy sang paa kag nakita ang pag-ilig sang dugo.
Gilayon nga nagpangayo sang bulig sa iya bana ang biktima nga amo ang nagdala sa iya sa ospital.
-- ADVERTISEMENT --
