Nadakpan sang mga otoridad ang isa ka babayi nga nagpakuno-kuno nga intel officer sa Ninoy Aquino International Airport Terminal 3.
Suno sa airport authorities, nagpakilala ang 32-anyos nga suspek bilang intelligence officer sang Philippine Army.
Matapos ang pagpakig-angut sang NAIA Authorities sa PNP Aviation Security Group kag New NAIA Infrastructure Corp., natumod ang suspek nga si alias ‘Sheena’ nga residente sa syudad sang Pasay.
Base sa report, nagtambong pa ini sa security briefing sang tanan nga mga airport personnel bilang kabahin sang transition process matapos nga tayuyon nga isapribado ang NAIA.
Nagsuksok man suno ini sang full fatigue uniform kag nagpakilala man bilang security transition team.
Matapos nga mausisa, naguwa nga wala ang pangalan sini sa master list sang mga allowed personnel rason nga gilayon ini nga gindakop.
Ginpasakaan na man ini sang kaso nga usurpation of authority kag false representation sa Pasay Prosecutor’s Office.
