Padayon nga nagaluya ang Bagyo “Uwan” samtang nagapalayo sa Ilocos Region suno sa Philippine Atmospheric, Geophysical, and Astronomical Services Administration (PAGASA) as of 5:00 PM tropical cyclone bulletin.
Ang sentro sang bagyo ang nahamtang sa 175 kilometros west sang Sinait, Ilocos Sur, nga may maximum sustained winds nga 120 km/h malapit sa sentro kag gustiness nga tubtob 150 km/h.
Nagahulag ini pa-Northwest sa kadasigon nga 10 km/h.
Sa pihak sini, ginpataas sa gihapon sang state weather bureau ang Tropical Cyclone Wind Signals (TCWS) No. 1 kag 2 sa pila ka bahin sang Luzon, lakip ang Batanes, Cagayan, Apayao, Abra, Ilocos Region, kag pila ka bahin sang Cordillera kag Central Luzon, subong man ang Metro Manila kag kaiping nga mga probinsya.
Ginalauman nga magaguwa ang bagyo sa Philippine Area of Responsibility (PAR) subong nga gab-i, Lunes, Nobyembre 10, ukon Martes sang aga, Nobyembre 1.
Apang ginapahayag nga posible liwat nga makasulod sa PAR sa Miyerkules, Nobyembre 12 samtang nagaigo sa nabagatnan-nakatundan nga bahin sang Taiwan, antes lubos nga magluya kag dalayon na nga magaguwa sa Biyernes.
