Nag-landfall na ang bagyong Gener sa Palanan, Isabela.
Suno sa PAGASA, kagaina alas-2 sang aga sining Martes sang mag-landfall na ini kag yara sa bisinidad na ini sang Cauayan City, Isabela.
Nagapabilin nga yara sa signal number 1 ang mga lugar sang : Cagayan kaupod na ang Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Zambales, Tarlac, Nueva Ecija, Bulacan (Doña Remedios Trinidad, San Miguel, San Ildefonso, Baliuag, San Rafael), Pampanga (Porac, Angeles City, Magalang, Arayat, Mabalacat City, Floridablanca, Santa Rita, Guagua, Bacolor, City of San Fernando, Mexico, Santa Ana, Candaba, San Luis, San Simon, Santo Tomas, Apalit, Minalin), Aurora, Quezon (General Nakar, Infanta, Real) kalakip ang Polillo Islands.
Nagapaandam pa ang PAGASA nga mabaskog nga pag-ulan sa nasambit nga mga lugar bangud sa bagyong Gener ang Southwest Monsoon kag ang Tropical Storm Pulasan nga yara sa guha pa sang Philippine Area of Responsibility (PAR).
May yara pa ini sang kabaskugon nga hangin nga magalab-ot sa 55 kilometer per hour kag pagbugso nga tubtob 70kph.
Lauman nga paga-agyan sang bagyong Gener ang mga kadagatan nga sakop sang Ilocos Sur, La Union kag Pangasinan subong nga aga sang Martes.
Mahimu nga makaguha na man sa PAR si Gener sa gab-i sang Martes ukon magaaga sang Miyierkules.
