Roxas City – Totally burn ang isa ka puloy-an nga ginaalegar ginsunog sang isa ka persona nga may deperensya sa paminsaron sa Sitio Mangga, Barangay Cagay, Roxas City.
Ginpahayag ni Marcelino Adonis nga gikan ini sa namatyan sang naabtan na lamang sini nga gintupok na sang kalayo ang balay kag ginaalegar nga ginsunog sang anak nga si Ramar Adonis 37-anyos.
Nagapati si Adonis nga posible ginkaakig sang iya anak sang wala ini sang may ginhatag nga kuwarta sang nagpangayo sa iya, rason nga ginsunog sini ang ila balay nga human sa light materials.
Ginapahayag nga may yara sang deperensya sa paminsaron ang iya anak kag dapat nga makainum sang maintenance nga bulong.
Suno naman kay Roxas City Acting Fire Marshall Senior Inspector Stephen Jardeleza nga matapos nga nakabaton sila sang impormasyon nga may sunog sa nasambit nga lugar gilayon nga nagresponde ang hubon.
Ginpahayag ni Jardeleza nga ba-se sa inisyal nga imbestigasyon sang talatapan nga naggikan ang kalayo sa sala sang balay sang pamilya Adonis.
Sa karon gina-imbestigahan ang posibilidad nga hungod ang pagsunog sang suspek sa ila nga balay.
