ROXAS CITY, CAPIZ- Partially damaged ang isa ka puluy-an, matapos nga nagluntad ang sunog sa Sitio Mandulalao, Barangay Barra, Roxas City.
Ang nasambit nga puluy-an ang ginapanag-iyahan ni Reynaldo Lorenzo.
Sa interview sang Bombo Radyo kay Punong Barangay Ernie Lorenzo, iya ginpahayag nga natabo ang sunog takna las 12:30 sa udto, Oktubre 22, 2025.
Suno kay Lorenzo, ang nasambit nga puluy-an ang gina-istaran sang lima tanan ka mga persona, apang, tatlo lang ka tawo ang yara sa sulod sang natabo ang amo nga sunog.
Pahayag nya, nagapadayon pa sa subong ang imbestigasyon sang mga katapo sang bombero agud matumod ang gintunaan sang amo nga sunog.
Nahibaluan nga sa kusina nga bahin nag-umpisa ang amo nga sunog.
Maswerte naman nga wala sang may napilasan sa amo nga insidente.
Interviewed by Bombo Roadnie Daban Dalanon
