Hugot nga ginapatuman sang mga Barangay Officials sang Mongpong, Roxas City ang Memorandum Circular No. 2026-009 sang Department of the Interior and Local Government (DILG) ukon ang “Encouraging the Enactment of Local Ordinances for Safer Cities: A Call to Actions for Local Government Units” agud nga mas mangin matawhay ang isa ka komunidad.
Sa interview sang Bombo Radyo kay Punong Barangay Ricky Donato, iya ginpahayag nga indi manami sa kumunidad nga may yara sang mga naga-uba sang bayo sa mga dalanon.
Suno kay Donato, lakip man sa ila ginatutukan ang mga naga-inum sa karsada kag pagdumuli sang pagvideo sa takna sang las 10 sang gab-i.
Pabor naman ini sa amo nga programa agud nga mas mangin organisado kag disiplinado ang mga pumuluyo agud mamentinar ang kalinong sa Barangay.
Nagapanawagan naman ang natungdan sa mga pumuluyo nga magkooperar kag sundon nga ginpatuman nga memorandum.
