Totally burned ang isa ka balay matapos nga ginlamon sang kalayo sa Sitio Bangkal, Barangay Maninang, Sapian, Capiz.
Ang amo nga balay ginapanag-iyahan ni Elizabeth D. Casero, 56-anyos.
Sa interview sang Bombo Radyo kay Fire Officer 1 Dennis Obidos, Fire Arson Investigator sang Bureau of Fire Protection (BFP) Sapian, iya ginpahayag nga padayon pa ang imbestigasyon sang mga bomber agud matumod ang matuod nga rason sang amo nga sunog.
Suno sa iya, nagbilin naman sang mas ukon menos P72,000 nga kahalitan ang amo nga hitabo.
Nahibaluan nga ang nasambit nga balay ang human sa mixed light-concrete materials kag maswerte naman nga wala sang napilasan sa natabo nga sunog.
Nagpanawagan naman ang natungdan sa publiko, nga pasiguruhon gid ang palibot nga wala sang may kalayo ukon baga sa dapog, kag nakapangbugnot sa saksakan ang mga kagamitan kun wala na ginagamit agud malikawan ang sunog.
