Naglab-ot sa halos 3 billion dollars ang nangin cash remittances sang mga Overseas Filipino Workers ukon OFWs sadtong bulan sang Agosto base sa nangin datos sang Bangko Sentral ng Pilipinas.
Nagapanguna nga tinutuyo sang nasambit nga remittances ang para suportahan ang pag-eskwela kag iban pa nga mga galastuhan sang ila nga mga pamilya kag himata sa Pilipinas.
Base sa datos sang BSP, ang kabug-usan nga cash remittances ukon money transfer sang mga OFWs ang nagsipa sa $2.885 billion nga nalista sadtong bulan sang Agosto sini nga tuig.
Mas mataas ini sang 32% ukon kabaylo sang $2.796 billion sa pareho nga bulan sadtong 2023.
Paathag sang BSP, ang paghabok sang mga napasulod nga cash remittances sa pungsod ang bangud sa pagtaas sang numero sang mga land kag sea base OFWs.
