Nakapauli na sa probinsya Capiz ang bangkay ni Corporal Renold Gardose nga napatay sa engkwentro batok sa gina-alegar miyembro sang New People’s Army sa boundary sang Brgy Sto. Ninio, Tanjay City kag Brgy Narra, Bayawan City, Negros Oriental.
Sa impormasyon nga nakuha sang Bombo Radyo kay Brig. Gen. Jason Jumawan, commander sang 302nd Infantry Birgade, nakapauli na ang bangkay ni Gardose pabalik sa ila nga puluy-an sa Tapaz, Capiz.
Samtang, sa pihak nga bahin, nag-angkon naman sang pilas ang isa pa ka Private First Class kag safe naman nga nakabalik sa ila nga unit.
Suno kay Jumawan, ang mga rebelde nagikan sa banwa sang llog kag ciudad sang Kabankalan, Negros Occidental kag nagbyahe padulong sa Negros Oriental.
Nagpatigayon sang military operation ang Philippne Army nga nagresulta sa pagkapatay ni Gardose apang nagapati man ini nga may pilason man sa bahin sang makawala nga grupo base sa mga dugo nga nakit-an sa area.
