-- ADVERTISEMENT --
Nagpahayag ang House prosecution panel nga posible nila nga ipabukas kag usisahon ang mga bank accounts ni Sara Duterte kon pormal na nga magsugod ang impeachment trial sa Senado.
Suno sa prosecution panel, kabahin ini sang ila pagtipon sang ebidensya kag pag-usisa sa mga alegasyon nga ginapangatubang sang bise presidente. Ginpabutyag man nila nga himuon ini suno sa nagakaigo nga legal nga proseso kag kon tugutan sang impeachment court.
Dugang pa sang panel, importante nga mabuksan ang tanan nga posible nga ebidensya agud masiguro ang patas kag transparent nga pagdinig sa kaso.
Sa pihak nga bahin, wala pa sang opisyal nga reaksyon gikan sa kampo ni Duterte may kaangtanan sa nasambit nga plano sang House prosecution panel.
