Dumarao, Capiz – Preparado na ang bug-os nga banwa sang Dumarao para sa palaabuton nga bagyo Uwan sa pungsod Pilipinas.
Sa interview sang Bombo Radyo kay Mayor Mateo Hachuela, iya ginpahayag nga nakahanda ang tanan nga mga ahensya sang banwa sang Dumarao sa pamahog sa nagapsulod nga bagyo.
Lakip diri ang Dumarao emergency response team,Dumarao Municipal Disaster Risk Reduction and Management Council, mga primary health facility, mga kapulisan kag bureau of fire protection kag iban pa nga maga volunteer.
Suno kay Mayor Hachuela, may yara naman sang pre-positioned food packs nga igapanagtag sa mga maga-evacuate sa tion sang kalamidad.
Pahayag pa niya, yara man ang mga rescue rubber boats sa tion nga may mag kinahanglan sang rescue kag mga heavy equipment nga magabulig sa tion nga may maguba nga mga dalanon.
Nagapanawagan man ang natungdan sang padayon nga kooperasyon agud nga malikawan ang anuman nga klase sang insidente sa posibilidad nga pag-igo sang bagyo Uwan sa pungsod.
Interviewed by: Bombo Sunnie Mae Batencila via Bombohanay sa Udto
