ROXAS CITY – Naghiwat sang painting contest ang munisipyo sang Pilar agud mas mapanami pa ang ila banwa.
Ini ang ginpahayag ni Atty. Cris Heredia, Municipal Administrator sang Pilar sang ma-interview sang Bombo Radyo.
Suno kay Atty. Heredia nga tayuyon na ang ila pagpanami sa ila nga banwa kag nagsugod ini sang naghalug na ang mga restriction sang Covid-19 pandemic.
Ginpahayag sini nga nagbukas na sila sang people’s park, gin-restore nila ang ila monument kun sa diin nagkuha sila sang mga designer.
Dugang pa sini nga madamo sila sang ginpakaayo sa ila nga munisipyo kag magapadayon pa gid ini.
Gintuad man sini nga may duwa ka purpose ang ila paghimo una, agud i-celebrate kag kilalahon ang mga young talents sa ila banwa kag i-immortalize ang ila landmark ukon tourist spots pinaagi sa painting.
Ang mga painting ang ginpahamtang sa ila munisipyo kun sa diin ginbuksan na ini sa publiko.
