Barangay Officials sang Barangay Cagay, Roxas City, nagapanawagan sa mga pumuluyo nga nagahupot sang iligal nga armas luthang nga boluntaryo nga isurrender ang mga ini bilang kabahin sang Project RRT

Nagapanawagan ang mga Barangay Officials sang Barangay Cagay, Roxas City, sa mga pumuluyo nga may yara sang iligal nga armas luthang nga boluntaryo nga isurrender ang mga ini bilang kabahin sang Project RRT sang kapulisan.

Sa interview sang Bombo Radyo kay Punong Barangay Arturo Aragon, iya ginpahayag nga may yara na sang mga armas luthang nga nasurrender sa ila barangay.

Suno kay Aragon, importante ang kooperasyon sang mga pumuluyo agud malikawan ang posible nga paggamit sang mga armas sa krimen kag iban pa nga insidente.

Dugang pa sang natungdan, paagi sa pagsurrender sang mga iligal nga armas luthang mas mapabaskog kag kalinong kag seguridad sa mga pumuluyo.