ROXAS CITY – Kabug-usan nga 6,700 ang nangin benepisyaryo sa libre nga medical kag dental check-up magluwas pa sa iban nga serbisyo nga ginhatag sa Bombo Medico 2019 nga ginpatigayon sa Capiz Gymnasium.
Nagalab-ot sa 4,671 ang nahatagan sang atensyon medical samtang nagalab-ot naman sa 679 ang naka-avail sang dental services kasubong sang paggabot sang ngipon, 537 naman ang nag-avail sang optical services kag nakabaton sang reading glasses.
813 naman ang nangin benepisyaryo sa iban pa nga serbisyo kasubong sa circumcision, blood sugar testing, libre nga haircut ukon gunting sang buhok kag masahe.
May yara man sang benepisyaryo nga nakabaton sang crutches kag walker kag dextrose nga ginpanagtag sa mga dengue patients
Sa kabug-usan nangin matawhay ang ginpatigayon nga Bombo Medico 2019 sa diin nangin madinalag-on ang nasambit nga aktibidad, sa bulig man sang mga doctors, dentists, nurses, iban nga medical staff, Philippine Army kag iban pa.
