ROXAS CITY – Nagsaka na sa 4 ang nabiktima sang palupok humalin sang Disyembre 21 tubtob 27, sandig sa datos sang Department of Health (DOH)-Capiz.
Suno kay Mr. Joeffrey Espiritu, Development Management Officer IV sang DOH Capiz, ang nasambit nga numero ang nagtaas sang 100% kumparar sang kapereho nga petsa sang nanligad nga tuig nga yara lamang sa 2.
Matandaan una nga nangin biktima sang palupok amu ang 7 katuig nga bata nga lalaki sa Mambusao, ginsundan sang 62-anyos nga residente sang Dao nga nag-angkon sang pilas sa tudlo matapos nalukpan sang triangulo, nagalabay nga lalaki sa Barangay Talon kag aksidente nga naigo sang Bamboo Cannon kag 1 pa gid ang nabiktima sang boga.
Pahayag ni Espiritu ang kampanya sang DOH nga ‘Iwas Paputok’ ang maga-takup sa Enero 5, 2024.
Padayon ang pahanumdum sini sa publiko nga likawan ang paggamit sang palupok kag mas maayo nga magamit na lang sang alternatibo nga pampagahud sa pagsaulog sang bag-ong tuig.
