Gin-anunsyo sang Bureau of Internal Revenue (BIR) ang isa ka bag-o nga polisa nga nagatuyo sa pagpatigayon sang pagsirado sang mga negosyo kag pagkansela sang tax registration sa idalum sang “Ease of Paying Taxes Act.”
Paagi sa Revenue Memorandum Circular No. 47-2026 nga ginpaguwa sang Mayo 19, ginpasimple ang mga kinahanglanon sa dokumento kag ginpadasig ang proseso sa pagkuha sang tax clearance, nga mahimo na subong makuha sa sulod sang tatlo ka adlaw nga pagtrabaho sa pila ka mga kaso.
Ang mga nagabayad sang buhis mahimo mag-aplay sang manual ukon online sang revenue district office, kon sa diin nakarehistro ang ila nga head office ukon branch..
Suno sa BIR, maga-untat man ang pagtipon sang mga penalidad sa indi pag-file sang tax returns kun kumpleto na ang mga kinahanglanon nga dokumento, samtang ang mga business form types ang gilayon man nga igabutang sa “deregistered” status. Exempted man ang mga micro taxpayers sa mandatory audit para sa closure.
Ginpahayag man ni BIR Commissioner Charlito Martin R. Mendoza, nga kabahin ini sang reporma nga “Ease of Closing Business” sandig sa direktiba sang administrasyon nga himuon nga mas madasig kag business-friendly ang serbisyo sang gobyerno, santo sa Republic Act No. 11976.
