Padayon nga nagapanawagan ang Bureau of Internal Revenue para sa insakto nga pagbayad sang buwis.
Angut sini, ginpalawig sang ahensya ang pag-file sang aplikasyon para sa Estate Tax Amnesty Program tubtub Hunyo 16.
Una na nga ginpahayag sang bureau nga tubtob subong nga adlaw, Hulyo 14 ang katapusan nga adlaw sa pag-file.
Sa isa ka pahayag, ginpahayag ni BIR Commissioner Romeo Lumagui Jr. nga ang amnesty offer nagalakip sang mga propiedad sang mga napatay antes ukon sang Mayo 31, 2022 nga wala pa nakabayad sang buhis.
Gin-anunsyo man sini ang iban pa nga mga pasilidad sa pagbayad para sa mga luyag pa nga magpadayon kag mag-avail sang programa.
Lakip diri ang pagbayad paagi sa over-the-counter sa ila Authorized Agent Banks kag pagbayad paagi sa BIR-approved electronic payment gateways kag iban pa nga mga opsyon pareho sang pagkadto sa Revenue District Offices ukon Revenue Collection Officers.
