Nagpaguwa ang Bureau of Internal Revenue (BIR) sang bag-o nga listahan sang mga value-added tax (VAT) exempted nga bulong para sa nagkalain-lain nga sakit kasubong sang diabetes kag hypertension.
Sa bag-o nga revenue memorandum circular, gin-aprubahan sang BIR ang listahan sang 12 percent VAT-exempt products sa idalom sang Tax Reform for Acceleration and Inclusion Law and the Corporate Recovery and Tax Incentives for Enterprises Act.
Ginpaguwa sang BIR ang listahan matapos ang endorsement sang Food and Drug Administration sang Department of Health ang mga listahan.
Sakop sang circular ang mga bulong para sa hypertension, mental illness, diabetes kag high cholesterol.
Yara sa walo ka bulong ang gindugang sa listahan kun sa diin apat diri ang para sa diabetes.
May duha ka sahi sang bulong para sa high cholesterol kag tig-isa sa mental illness kag hypertension.
Matandaan nga sadtong Disyembre sang nakaligad nga tuig sang ginlakip sang BIR ang 16 nga VAT exempt nga bulong para sa cancer, diabetes kag mental illness.
