SIGMA – Patay na sang gindala sa ospital ang 63-anyos nga BPAT member matapos nga aksidente nabungguan sang motorsiklo sa Barangay Poblacion, Sigma, Capiz.
Ginkilala ang biktima kay Renato Alayon sang nasambit nga lugar.
Base sa inisyal nga imbestigasyon sang Sigma PNP nga duty sang nasambit nga biktima kag magapauli na kuntani sa ila balay sa diin tuyo na kuntani magtabuk sa dalan sang aksidente na lamang ini nabungguan sang motorsiklo nga ginamaneho ni John Carl Tianzon 35-anyos sang Barangay Alipasiauan, Dumarao, Capiz.
Bangud sa mabaskog nga impact sang pagkabunggo natumba ang motorsiklo kag tumampilak sa dalan ang driver subongman nag-angkon sang patal nga pilas sa lawas si Alayon.
Ginhingagaw pa nga madala sa ospital ang biktima apang gindeklara na ini nga dead on arrival sang attending physician.
Samtang, padayon naman nga ginabulong sa ospital ang driver sang motorsiklo.
