-- ADVERTISEMENT --
Posible liwat nga magapataas sang interest rates ang Bangko Sentral ng Pilipinas ukon BSP sa Oktubre bangud sa padayon nga inflationary pressures.
Base sa August Monetary Policy Report sang BSP, ang mga risgo sa inflation nagalakip sang El Niño, mataas nga balayran sa kuryente, gasto sa agrikultura kag transportasyon, kag nagataas nga presyo sang gatong bangud sang tensyon sa Middle East.
Samtang, ang GDP sang pungsod naghinay sa 2.3% sa ikaduha nga quarter sang 2026, gikan sa 5.4% sa amo man nga panahon sang 2025.
Ginabulubanta sang BSP nga magalab-ot sa 6.1% ang average nga inflation subong nga tuig, gani nagapabilin nga prayoridad sini ang pagmentinar sang price stability.
