Ginpasigurado sang Bureau of Fire Protection (BFP) nga handa sila sa pagresponde sa mga insidente sang sunog paagi sa paggamit sang mga fire truck kag fire trike.
Sa interview sang Bombo Radyo kay Fire Senior Superintendent Bartolome Biliran, Assistant Regional Director for Operations sang BFP Regional Office 6, iya ginpahayag nga ang mga fire truck may nagkalain-lain nga kapasidad nga 500, 750 kag 1,000 ka litters sang tubig.
May yara man ini sang water tank, pump kag hose nga ginagamit sa pagpalong sang sunog.
Suno kay Biliran, dako man ang mabulig sang fire trike bangud makasulod ini sa makitid nga mga dalan kag sa mga barangay nga mabudlay maagyan sang dalagko nga fire truck.
May yara man ang BFP sang mga kagamitan kag salakyan para sa pagresponde sa mga emerhensya, lakip na ang rescue operations.
Ginapanawagan naman sang BFP ang publiko nga mangin mabinantayon agud malikawan ang sunog kag gilayon magreport sa mga otoridad kon may makita nga insidente.
