ROXAS CITY – Nagapangatubang sa karon sang panibag-o nga kaso ang gobernador sang probinsiya sang Capiz nga paglapas sa Memorandum Circular No. 6 series of 2016 nga nagadumili sa mga opisyal sang gobyerno sa pagsulod ukon pagsugal sa mga casino.
Ginpasaka ni Essex Quintia, provincial chairman sang PDP-Laban, ang reklamo sa Office of the President kag ginsumiter ang mga ebdensiya sa Office of the Deputy Executive Secretary for Legal Affairs nga amo karon ang nagauyat sa kaso.
Nangin balasehan ni Quintia sa pagpasaka sang panibag-o nga kaso batuk kay Governor Antonio del Rosario ang pagpadulong sang opisyal sa URL World Pitmasters Cup 2017, isa ka big-time nga cockfighting event nga ginpatigayon sa Resorts World Hotel and Casino sa Pasay City.
Nahibaluan nga kilala nga cockfighting afictionado si del Rosario.
Bangud diri, ginhinyo ni Quintia sa Office of the President nga imbestigahan ang anuman nga paglapas sa administrative law ni del Rosario
Matandaan nga ginpasakaan na sang kaso nga graft and corruption ang gobernador sa Office of the Ombudsman angut sa kwestyunable nga pag-hire sa isa ka security firm.
