Natukiban nga may yara sang balatian ang nasapwan nga patay nga yara sa advanced state of decomposition sa Tapaz, Capiz.
Ang biktima amo si alyas Joe, 53-anyos, kag residente man sang nasambit nga lugar.
Sa interview sang Bombo Radyo Roxas kay Police Lieutenant Nerio Gicole, Deputy Chief of Police sang Tapaz Municipal Police Station, iya ginpahayag nga ang lawas sang biktima nadiskubre sang isa ka kagawad sang nagkadto sa balay sang biktima para magpangayo sang trabaho sang hinali lang siya nakasimhot sang mabaho nga butang nga parte malapit sa balay sang biktima kag sa pag-usisa nakita niya ang lawas sang biktima.
Suno kay Gicole, ang biktima ulihi nakit-an nga buhi sang Marso 21 sa takna sang 10:00 sa aga.
Dugang pa niya, may hypertension ukon high blood ang biktima rason nga ginkamatay sang biktima.
Nagapanawagan man ang natungdan nga kon mahimo mag doble sang paghalong kon may ginabatyag kag indi pag kalimtan ang maintenance nga bulong.
