Ginalauman nga mangin Level sang mga doktor sang Roxas Memorial Provincial Hospital (RMPH) ang Capiz Medical Center.
Sa interview sang Bombo Radyo kay Dr. Florencio Luching Jr., Chief of Hospital III sang RMPH, iya ginpahayag nga amat-amat na sila nga nagapanghanda kag nagaplastar sang mga kagamitan nga kinahanglanon sa pagbalhin sa Capiz Medical Center nga may bed capacity nga 147.
Suno kay Luching, kon mangin Level 3 na ang amo nga ospital, mas madamo nga serbisyo medikal ang mahimo ma-avail sang mga Capiznon, gani indi na kinahanglan nga magpadulong sa iban nga lugar agud magpaidalom sa nagkalain-lain nga pagpabulong.
Ginpahayag man sini nga magapabilin ang RMPH sa iya nga lokasyon kag pagapaidalumon ini sa pagkaayo suno sa handom sang gobernador nga maga-operate ang duha ka pampubliko nga ospital sa probinsya sang Capiz.
