Kabug-osan nga 147 Children in Conflict with the Law (CICL) cases ang na-record sa 17 ka mga local government units (LGUs) sa Capiz sang 2025.
Ang Children in Conflict with the Law nagatumod sa mga kabataan nga naga-edad sang manubo sa 18 anyos kag ginaalegar, gin-akusaran ukon napamatud-an nga nakahimo sang sala sa idalom sang layi sa pungsod.
Ini nga mga kabataan ang masami ginahatagan sang intervention, rehabilitation kag support programs agud mabuligan nga makabalik sa ila mga pamilya kag komunidad.
Sa data nga gin-presenter sa ginpatigayon nga Media Forum sang Regional Juvenile Justice and Welfare Committee (RJJWC) VI, ang Roxas City ang naka-record sang pinakamataas nga numero sang CICL cases nga may 67 cases, ginasundan sang Dumarao kag Tapaz nga may tag-16 ka mga kaso, Pilar kag Sapian nga may tag-11 cases.
Magluwas sina, ang Cuartero may 6 cases man nga na-record, Jamindan kag Panay ang may tag-lima ka mga kaso, Mambusao kag Pontevedra nga may tag-tatlo, Dao nga may duha, Panitan may isa kag Dumalag nga may isa man ka kaso.
Samtang ang Ivisan, Maayon, President Roxas kag Sigma ang wala naman sang may na-record nga CICL cases sang 2025.
Suno sa RJJWC, ang amo nga figures ang nagapakita sang importansya sang pagpabaskog sang youth development programs, family support services kag community-based interventions agud malikaw ang mga kabataan nga ma-involve sa mga unlawful activities.
Padayon nga gina-engganyo sang talatapan ang mga ginikanan, eskwelahan, local governments kag community organizations nga magbuligay agud ma-proteheran ang welfare sang kabataan kag mahatagan sang paggiya ang mga children at risk (CAR).
