Naka-heightened alert na ang Capiz Provincial Disaster Risk Reduction and Management Office para sa palaabuton nga Capiztahan 2026.
Sa interview sang Bombo Radyo kay Atty. Shiela Artillero, Head sang Capiz Provincial Disaster Risk Reduction and Management Office, iya ginpahayag nga naka-alerto na ang ila nga talatapan kag nakapatigayon na sang pagsinapol upod ang iban pa nga mga ahensya para sa deployment sang mga uniformed personnel.
Suno kay Artillero, preparado naman ang talatapan sang Coast Guard Station Capiz, Philippine National Police, Bureau of Fire Protection kag iban pa.
Pahayag niya, katuyuan sang amo nga tikang nga masigurado ang seguridad sang mga pumuluyo kag dumuluong sa pagselebrar sang nasambit nga okasyon.
Nagapanawagan naman ang natungdan nga maghalong ang tanan sa pagnilakat sa palibot bangud sa kainit sang panahon agud nga makalikaw sa nagkalain-lain nga balatian nga mahimo makuha bangud diri.
