ROXAS CITY-Kadungan sang pagtakop sa selebrasyon sang National Tourism Month, pormal naman nga ginbuksan ang Capiz Provincial Library.
Ini ang ginpahayag ni Capiz Provincial Tourism and Cultural Affairs Officer Mr. Alfonsus Tesoro sang mainterview sang Bombo Radyo Roxas.
Suno kay Tesoro, tinutuyo sang liwat nga pagbukas sini nga mas ma-promote ang leadership kag literacy. Suno diri, nga ang Capiz Provincial Library ang nahamtang sa 3rd floor Room 1, Capiz Government and Bussiness Center, Baranggay Tiza, Roxas City.
Ini ang bukas humalin alas 8 sa aga tubtob alas 5 sa Hapon, Lunes tubtob Biyernes nga adlaw.
Ginpahayag ni Tesoro, nga masobra 500 ka mga libro ang nahamtang sa karon sa nasambit nga library.
Ini ang ginalakipan sang mga libro nga may kaangtanan sa kasaysayan kag kultura, thesis, write-ups, kag iban pa. Dugang pa sini, magadamo pa ini bangud madamo ang nagpromisa nga magadonar sang mga libro.
Natalana naman nga igalunsar ang “Book Banking Project” kun sa diin sarang nga maka donar sang libro ang isa ka indibidwal. Pinaagi sini mas makabulig ini sa mga estudyante nga magakinaanglan.
Suno kay Tesoro, may igapahamtang nga Wi-fi Connection para sa madasig nga research works sang mga estudyante. Strikto man gihapon ang ginapatuman nga pila ka mga health minimum protocols sa mga indibidwal nga nagapadulong diri
