ROXAS CITY – Ginpaidalom na sa lockdown ang Capiz Provincial Capitol matapos nga gin-aprubahan ni Capiz Governor Esteban Contreras ang panawagan sang Sangguniang Panlalawigan kag opisyal sang gobyerno.
Kasunod ini sa padayon nga pagsaka sang numero sang mga opisyal kag empleyado nga infected kag naga-positibo sa COVID-19.
Ini bangud man sa pagkahangawa sa posibilidad nga magdamo pa ang magapositibo sa kapitolyo probinsyal.
Nahibaluan nga kalakip si Gov. Contreras sa mga tawo nga nagpositibo sa amo nga balatian kun sa diin una na nagpositibo ang pila sini ka mga empleyado sa Governor’s Office.
Magluwas diri, nabalaka man ang pila ka mga opisyal sang gobyerno sa posibilidad nga maapektuhan ang trabaho sang mga empleyado.
Matandaan nga nag-apelar ang Sangguniang Panlalawigan sa gobernador nga ipadalom sa lockdown ang kapitolyo probinsyal kun sa diin gin-aprubahan man ni Gov. Contreras.
