ROXAS CITY – Positibo si Capiz Representative Fredenil Castro nga iya nga mapangalagaran sang husto ang mga katungdanan nga ginbilin ni Camarines Sur Rep. Rolando Andaya Jr. bilang bag-o nga majority leader sang Kamara.
Ini ang kasunod sang pormal nga pagbiya ni Andaya bilang leader sang mayorya nga nagdugay sang anom ka bulan.
Sa interview sang Bombo Radyo kay Castro, ginpahayag sini nga ang pag-swap sang key positions sa ila nga grupo ang nagapakita lamang nga nagakasugot sila kag wala nagaagaway sa posisyon sa manubo nga panalgan sang Kongreso.
Mahibaluan nga wala sang nagpamalabag sa nominasyon ni Andaya kay Castro nga ginakabig niya bilang ‘best person’ para sa nasambit nga trabaho.
Suno kay Castro, mangin prayoridad sini ang pagpapasar sang mga hagna nga makabenepisyo ang mayorya sang mga Filipino antes magtapos ang 17th congress.
