Ginpapanaog na sa Tropical Cyclone Wind Signal No. 3 ang Capiz bangud sa Bagyo Tino.
Ini matapos man nga ginpaidalom ini kaina sang aga sa Tropical Cyclone Wind Signal No. 4.
Sa subong, mahinay ini nga nagahulag sa Iloilo Strait.
Ang sentro sang mata sang Bagyo Tino ang ginabanta yara sa coastal waters sang Jordan, Guimaras.
Dala sini ang kabaskugon sang hangin nga nagadangat sa 130 km/h malapit sa sentro kag pagmadlos nga tubtob sa 180 km/h.
Nagahulag ini West southwestward sa kadasigon nga 20 km/h.
Matapos mag-landfall sa Guimaras, ang Bagyo Tino ang padayon nga magahulag sa Western Visayas kag northern Palawan tubtob sa West Philippine Sea bwas sa aga.
Magwa naman ini sa Philippine Area of Responsibility bwas sa gab-i (November 5)
ukon sa Huwebes sang kaagahon (November 6).
