ROXAS CITY – Nagpadulong sa istasyon sang Bombo Radyo Roxas ang iloy sang 29-anyos nga Capizeña OFW para magpangayo sang bulig sa anak nga ginakastigo sang babaye nga employer sa Saudi Arabia.
Sa interview sang Bombo Radyo kay Mrs. Nelsa Villaruel, iloy sang OFW nga si Ronia Villaruel, ginasugid sa iya sang anak ang pagsakit sang employer kasubong sang paghaboy sa iya sang tsinelas sa tagsa ka magsala ini.
Apanng sang nagdugay, indi na makuntento ang iya employer nga habuyon lamang ini sang tsinelas sa baylo ginakastigo na ini rason sang indi na niya masarangan ang pagsakit sa iya nagpalagyo in tobtob nakalab-ot sa ospital agud mapabulong ang mga pilas kag gaub sa lawas.
Suno pa sa iloy sang pinay OFW nga sa pinakaulihi nga tawag sa iya sang anak, ginpahibalo sa ila nga yara na ini sa police station bangud nahibaluan nga indi mahimo ini nga magtenir sang madugay ospital.
Nahibaluan nga may apat ka mga anak si Villaruel sa diin ang duha ang yara sa kostodiya sang iya bana sa Davao samtang ang duha ang nabilin sa poder sang iya nga iloy Barangay Libas, Roxas City.
