Nagpatigayon sang training ang Capiz State University- Pontevedra Campus, College of Agriculture and Fisheries (COAF) para sa mga Persons Deprive of Liberty (PDL) sa Bureau of Jail Management and Penology (BJMP) sa Barangay San Jose, Roxas City.
Sa interview sang Bombo Radyo kay Dr. Eden Alam, Head Project Leader sang extension community project, iya ginpahayag nga ang tinutuyo sang nasambit nga training amo nga makatudlo sa mga PDL sang dugang nga ihibalo sa pagpanguma nga mahimo nila magamit sa ion nga sila ang makaguwa na sa presohan.
Suno kay Alam, pila sa mga gintudlo sang ila grupo amo ang land preparation kag ang instakto nga pamaagi sa pagtanum.
Pahayag pa niya, magluwas sa training, nagpanagtag man sila sang mga hygiene kit agud magamit sang mga Persons Deprive of Liberty sa ila pang adlaw-adlaw.
Dugang pa sang natungdan, magapadayon ang ila nga pagpatigayon sang nasambit nga aktibidad sa bulig sang pila ka mga sponsor.
Interviewed by: Bombo Jessa Mae Delos Santos via Bombohanay Bigtime
