Wala na ginsapubliko pa ang prize money sa magadaog sa tunga nanday Hall of Famer boxer Manny Pacquiao kag WBC welterweight champion Mario Barrios sa natalana nila nga sambuwa sa sulod sang boxing ring buwas, Hulyo 20 sa Las Vegas, USA.
Apang sandig sa mga report, posible nga makabaton si Pacquiao sang tubtob 5 million US dollar ukon masobra 285 million pesos kaangay sang nakuha sini sang mga nagliligad sini nga boxing fight.
Samtang ang iya kasumpong nga si Barrios, posible nga makabaton sang tubtob 1 million US dollar ukon masobra 57 million pesos.
Nahibaluan nga ang ulihe nga professional fight ni Pacquiao ang ginkapyerde sini batuk kay Cuban boxer Yordenis Ugas sang 2021 para sa WBA world welterweight championship.
Samtang ang iya nga ulihe nga professional win ang natabo anum ka tuig na ang nakaligad batuk kay Keith Thurman kun sa diin siya ang nangin oldest welterweight champion sa kasaysayan sang boxing.
Kabug-osan nga 72 na ang mga boxing fights ni Pacquiao; 62 diri ang iya gindag-an; 39 ang pinaagi sa knockout; walo ang iya pyerdi kag duha naman ang draw.
Ang 30 anyos naman nga American boxer nga si Barrios ang magadepensa sang iya WBC title sa sulod sang duha na ka tion.
Ang ulihe sini nga hampang ang nagresulta sa split decision batuk kay Abel Ramos sang Nobyembre 15.
Kabug-osan nga 32 na ang mga boxing fights ni Barrios; 29 diri ang iya gindag-an; 18 ang pinaagi sa knockout; duha ang iya pyerdi kag 1 naman ang draw.
