ROXAS CITY – Nagpangibabaw ang kandidata sang Pilipinas sa 67th Miss Universe nga si Catriona Elisa Gray sa ginpatigayon nga preliminary competition sa Impact Arena, Maungthong Thani, Bangkok, Thailand.
Sa report Bombo International Correspondent Cleo Rose Jondonero, ilabi pa nga nagbaskog ang tsansa ni Gray nga makuha ang korona subong nga tuig matapos nagpakita sang iya sexy figure sa swimsuit kag long gown sa prelim kung sa diin nagpabonggahan sa pagrampa ang 94 tanan ka mga kandidata naggikan sa nagkalain-lain nga pungsod.
Dako ang hatak sa mga tumalan-aw sang Latinas apang wala man nagpaulihi ang mga Asian beauties kalakip na ang pambato sang Pilipinas nga si Gray.
Magluwas pa diri, ginpahayag ni Jondonero nga ginpalangga na sang mga Thai si Gray bangud sa wit kag aura sini rason nga masami siya nga yara sa top pick.
Madamo sa karon ang ilabi pa nga na-excite sa nagahilapit nga coronation night sa Disyembre 17 ilabi na nga ginaluman nga liwat makuha sang Pilipinas ang korona.
Mahibaluan nga lunsay mga babaye ang mga hurado sa Miss-U subong nga tuig nga gintawag nila nga “The Power Women Around the World”.
