Ginsundan sang China navy ang joint sea kag air activities sang Pilipinas kaupod ang Australia, Japan, kag New Zealand sa West Philippine Sea, suno sa Armed Forces of the Philippines (AFP) subong nga seman.
Gin-organisa sang China’s People Liberation Army Southern Theater Command ang ila nga mga naval kag air forces para sa routine reconnaissance, early warning, kag sea-air patrol exercises malapit sa Bajo de Masinloc (Panatag, Scarborough Shoal) sadtong Sabado, kadungan sang Multilateral Maritime Cooperative Activity (MMCA) kun sa diin naghiwat sang drills ang naval kag air force units sang Pilipinas, Australia, Japan, kag New Zealand sa northern Luzon nga bahin sang West Philippine Sea.
Suno kay AFP spokesperson Col. Francel Margareth Padilla, nga monitor sang militar sang Pilipinas ang mga barko nga pandagat sang Tsina sa palibot samtang ginhiwat ang exercise apang ginpahayag nga ang multilateral exercise ang nagapadayon naman suno sa plano sang wala anuman nga pagpanghilabot kag wala nabutang sa peligro ang mga barko sang mga kabahin nga pungsod.
