ROXAS CITY – Nagapabilin nga problema sang mga pumuluyo ang circumferential road sa Barangay Mongpong, Roxas City.
Sa interview sang Bombo Radyo kay Punong Barangay Ricky Donato, iya ginpahayag nga nagsugod ang nasambit nga proyekto sang Department of Public Works and Highways (DPWH) sang March 6, 2025 kag may expiry date kuntani nga November 3, 2025 apang nagpangayo ini sang extension nga lima ka bulan.
Suno kay Donato, makatatlo ka beses ini nga nagpadala sang sulat sa Department of Public Works and Highways (DPWH) apang wala sang aksyon sa bahin sini.
Pahayag niya, daku nga inconvenience ang dala sang amo nga proyekto sa mga pumuluyo bangud sang wasak nga dalan.
Nagapanawagan man ang natungdan nga hatagan na igtalupangod ang amo nga proyekto antes pa man ini magresulta sang mga insidente.
INTERVIEWED BY: BOMBO VINZ DEOCAMPO
