City Engineers Office, ginsuguran na ang pagguba sang haligi sang arko sa boundary sang Barangay Balijuagan,Roxas City kag banwa sang Ivisan

Ginsuguran na ang pagguba sang haligi sang arko sa boundary sang Barangay Balijuagan, Roxas City kag banwa sang Ivisan.

Sa interview sang Bombo Radyo kay Giovani, foreman sang grupo nga nagaguba sang haligi sang arko, iya ginpahayag nga may direktiba nagikan sa Roxas Ciy Engineers Office ang ila nga pagguba sa pagpanguna man sang Roxas City government.

Suno kay Giovani, bastante ang bulig nga ginhatag sa ila sang talatapan agud gilayon nga matapos ang nasambit nga pagguba.

Pahayag pa niya, may ara man sang ginabutang nga barrier para maproteksyonan ang mga motorista sa debris.

Dugang pa sang natungdan, nagapangayo sila sang gamay pag-intindi sa gahod kag delay nga natuga nila agud matapos sa gilayon ang pagguba sang nasambit nga haligi.