Roxas City – Nagpatigayon sang inspeksyon ang mga personnel sang City Engineering Office kag Roxas City Environmental Sanitation Enforcement Team (RESET) sa area sang Burgos Street.
Ginpahayag ni City Engineer Rosano Anisco nga ila gintsekyar ang area sa Burgos Street sa diin ginplastar nila sang ensakto ang ginahamtangan sang mga negosyante kag parking area.
Suno sa inhenyero nga wala pa sila nakatapos paminta sa pila ka mga linya sang dalanon sa lugar sa diin natukiban sa ila pagtsekyar masobra 30 ka mga negosyante ang nagalapas sa sidewalk ordinance rason nga naapektuhan ang dalagan sang trapiko sa lugar subongman ang mga tricycle nga naka-park sa kilid sang karsada.
Gin-athag naman ni Anisco nga ang mga vendors mahimo nga kuntani dira lamang magbaligya sa kilid sang civic center samtang ang mga tricycle naman mahimo maka-park sa likod sang civic center kag atubang sang Hall of justice.
May yara naman sang nagakaigo nga penalidad ang sin-o man indi magsunod sa pagsulundan.
Samtang, natalana naman ang ila clearing operation kun matapos na ang tanan nila nga hilikuton.
